अनन्त अम्बानी र राधिका मर्चेन्टको दोस्रो प्रि-वेडिङ समारोह आजदेखि सुरु – Nepal Press

अनन्त अम्बानी र राधिका मर्चेन्टको दोस्रो प्रि-वेडिङ समारोह आजदेखि सुरु

मुम्बई । भारतका सबैभन्दा धनी व्यक्ती मुकेश अम्बानीका छोरा अनन्त अम्बानी र राधिका मर्चेन्टको दोस्रो प्रि-वेडिङ समारोह आजदेखि सुरु हुँदैछ । चार दिनसम्म चल्ने यो कार्यक्रम भव्य हुँदैछ। यो उत्सवको कूल बजेट ४०० देखि ५०० करोड भारतीय रुपैयाँ छ।

मुकेश अम्बानीले आफ्नो छोराको दोस्रो प्रि-वेडिङ समारोह इटली र फ्रान्सबिचको समुद्रमा, ‘सेलिब्रेटी एसेन्ट’ नामक क्रुजमा गर्दैछन । यो क्रुज मे २९ मा इटालीको पालेर्मो बन्दरगाहबाट प्रस्थान गर्नेछ र ४३८० किलोमिटरको यात्रा तय गरी दक्षिणी फ्रान्स पुग्नेछ ।

खासमा, अम्बानी परिवारले मियामीबाट अर्कै क्रुज मगाएका थिए तर फ्रान्समा त्यो क्रुज पार्क गर्न समस्या हुने भएपछि माल्टाबाट सेलिब्रेटी एसेन्ट मगाइएको हो ।

प्रि(वेडिङ समारोह इटालीको पार्लेमो सहरमा दिवा भोजबाट सुरु हुनेछ । दिवा भोजपछि सबै पाहुनाहरू क्रुजमा चढ्नेछन् र क्रुजमै स्टाररी नाइट मनाइनेछ।

समारोहको दोस्रो दिनलाई ‘रोमन हलिडे’ भनिएको छ जहाँ पाहुनाहरूले पर्यटकको रूपमा लुगा लगाउनु पर्नेछ। त्यहाँ एक ग्रीको(रोमन(थीम टोगा पार्टी हुनेछ।

पार्टीमा पाहुनाहरूले पुरातन रोमन शैलीको लुगा र चप्पल लगाउनु पर्नेछ।

समारोहको तेस्रो दिनको कार्यक्रमलाई ‘भी टर्न वन अन्डर द सन’ भनिएको छ। उक्त साँझ मास्करेड र त्यसपछि ‘पर्डन माई फ्रेन्च’ नाम दिइएको पार्टी हुनेछ।

चार दिने प्रि-वेडिङ ब्यासको अन्तिम दिनको कार्यक्रमलाई ‘ला डोल्से भिटा’ नाम दिइएको छ जसको अंग्रेज़ी अर्थ ‘स्विट द गुड लाईफु हो।

समारोहमा सहभागी हुन अम्बानीका परिवारका सदस्य, साथीभाइ र भारत तथा विदेशबाट सेलिब्रेटीहरू इटली पुगिसकेका छन। यस सूचीमा शाहरुख खान, सलमान खान, रणवीर सिंह, रणवीर कपुर र आलिया भट्टजस्ता कलाकारको नाम समावेश छ।

समारोहमा सहभागी हुने ८ सय जना अतिथिहरूलाई १२ वटा विमान चढाएर इटली पुर्‍याइएको थियो। समारोहमा ३ सय जना भीभीआईपी हुने बताइएको छ । यी अतिथिको आतिथ्यका लागि क्रुजमा ६ सय जना कर्मचारी हुनेछन् ।

अनन्त-राधिकाको विवाह जुलाईमा हुँदैछ। तीनवटा समारोह (पहिलो, दोस्रो प्रि-वेडिङ र बिहे) गरी सम्पन्न हुने विवाह समारोहको खर्च झण्डै १५ सय करोड भारतीय रुपैयाँ बजेट आउनेछ ।

यसअघि मुकेश अम्बानीकी छोरी इशाको विवाहमा ४०० करोड भारतीय रुपैयाँ खर्च भएको थियो । इशाले विवाहमा ९० करोडको लेहेंगा लगाएकी थिइन् ।

अनन्त-राधिकाको पहिलो प्रि–वेडिङमा पप आइकन रिहानालाई बोलाइएको थियो । रिहानाको पर्फमेन्सका लागि अम्बानीले ७४ करोड भारु दिएको बताइएको थियो ।

यसपालि हुन गइरहेको दोस्रो पि–वेडिङ समारोहमा भने अमेरिकी र्यापर तथा गायक पिटबुललाई बोलाइएको बताइएको छ । तर उनलाई कति पैसा दिएर ल्याउन लागिएको भन्ने बारे भने खुलाइएको छैन । पिटबुलले पन्जाबी गायक गुरु रन्धावासँग मिलेर पर्फरमेन्स दिने बताइएको छ ।


प्रतिक्रिया

Leave a Reply

Your email address will not be published. Required fields are marked *