कर्णालीमा माओवादीबाट परियार मन्त्रीमा सिफारिस
सुर्खेत । कर्णाली प्रदेशमा नेकपा (माओवादी केन्द्र) को तर्फबाट प्रमुख सचेतक रणसिंह परियार मन्त्रीमा सिफारिस भएका छन् । बुधवार बसेको माओवादी संसदीय दलको बैठकले परियारलाई सरकारमा पठाउने निर्णय गरेको हो ।
परियारलाई विना विभागीय मन्त्रीमा पठाउन निर्णय गरिएको सांसद कृष्णबहादुर जिसीले जानकारी दिए ।
उनले भने, ‘हाम्रो तर्फबाट प्रमुख सचेतक परियारलाई पठाउने निर्णय भएको छ । मन्त्रालय र बाँकी मन्त्रीको टुङ्गो मुख्यमन्त्री यामलाल कँडेलले विश्वासको मत लिइसकेपछि लगाउने निर्णय भएको छ ।’
स्रोतका अनुसार एमालेबाट पनि आज एक जना मन्त्रीले शपथ लिने छन् ।
मुख्यमन्त्री कँडेलले बिहीबार विश्वासको मत लिँदै छन् । मुख्यमन्त्री कँडेलले बुधवार सानो आकारमा मन्त्रीमण्डल गठन गर्ने र बिहीबार संसदबाट विश्वासको मत लिने छन् ।