धनुषामा आगलागी हुँदा एक महिलाको मृत्यु
![](https://www.nepalpress.com/wp-content/uploads/2020/11/nepalpress-logo-n.png)
२०८१ वैशाख १० गते १९:३०
![](https://www.nepalpress.com/wp-content/uploads/2024/04/aglagi-1.jpg)
जनकपुरधाम । धनुषाको हंसपुर नगरपालिका १ स्थित बगैचाबाट सल्केर फुसको घरमा आगलागी भएपछि एक महिलाको मृत्यु भएको छ ।
घरबाट भाग्न नसक्दा ४५ वर्षीया खुखनी देवी कापरको जलेर मृत्यू भएको स्थानीय बलिराम कापरले जानकारी दिए । उनका अनुसार बाँस र आँपका रुखहरु रहेको बगैंचामा आगो लाग्यो । त्यो आगो गहुँको भुसा राख्न बनाएको फुसको घरमा पुग्यो । त्यही घरमा खुखनी देवी थिइन् ।
आगलगीबाट घर पनि जलेको छ । घरबाट महिला भाग्न खोजेकी थिइन् तर लडेपछि भाग्न नसक्दा जलेकी थिइन् । आगलगी स्थानीय, प्रहरी र बारुण यन्त्रको सहयोगमा नियन्त्रणमा आएको छ ।
प्रतिक्रिया