गण्डकी सरकारको मुद्दा हेर्दाहेर्दैमा, प्रदेश अधिवेशन रोक्ने निवेदन कांग्रेसले इजलासमै फिर्ता लियो
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2024/04/khagaraj-surendra.jpg)
पोखरा । गण्डकी सरकारका मुख्यमन्त्री खगराज अधिकारीको नियुक्तविरुद्ध परेको रिटमा सर्वोच्च अदालतमा सुनुवाइ नसकिएपछि हेर्दाहेर्दैमा पुगेको छ ।
सर्वोच्चका न्यायाधीश सपना मल्ल प्रधान र सारंगा सुवेदीको इजलासमा सुनुवाइ नसकिएपछि मुद्दा हेर्दाहेर्दैमा पुगेको हो ।
एमाले संसदीय दलका नेता खगराज अधिकारीले सभामुखलाई समेत गणना गरेर दाबी पेसपछि मुख्यमन्त्री बनेपछि कांग्रेस संसदीय दलको नेता सुरेन्द्रराज पाण्डेले रिट दायर गरेका थिए ।
प्रदेश अधिवेशन नडाक्न माग गर्दै दिएको निवेदन भने रिट निवेदक सुरेन्द्र पाण्डेको पक्षबाट इजलासमै फिर्ता लिइएको छ ।
कांग्रेसले प्रदेश सभाको बैठक बहिस्कार गरेपनि निवेदन फिर्ता लिएसँगै अब विश्वासको मत लिने बाटो समेत खुलेको मुख्यमन्त्री खगराज अधिकारी पक्षको जिकिर छ । उक्त मुद्दाको अर्को सुनुवाई वैशाख १७ गते हुनेछ ।