‘फर्की फर्की’ को ट्रेलर हिट, दुई दिनमै २० लाख भ्यूज कटाएपछि अनमोल दंग

काठमाडौं । सुपरस्टार अनमोल केसीको नयाँ चलचित्र ‘फर्की फर्की’ ट्रेलरले दर्शकबाट शानदार प्रतिक्रिया पाएको छ । दुई दिनमै २० लाख भ्यूज पाएपछि मेकरहरु उत्साहित बनेका छन् ।

२४ घन्टामै १० लाखभन्दा बढी भ्यूज पाएर ‘फर्की फर्की’को ट्रेलरले रेकर्ड राखेको थियो । हलसम्म युट्यूवमा साढे २२ लाखभन्दा बढीपटक हेरिसकिएको छ । ट्रेलरल ४७ हजारभन्दा बढी लाइक बटुल्दा ६ हजारभन्दा बढी प्रतिक्रिया आएका छन् । अधिकांस प्रतिक्रया सकारात्मक छन् ।

प्रतिक्रिया हेर्दा यस चलचित्रको प्रतिक्षामा देखिन्छन् दर्शक । ट्रेलरले कथा र प्रस्तुतिमा नयाँपनको आभास पनि गराएको छ ।

अनमोलका लागि निकै महत्वपूर्ण चलचित्र हो फर्की फर्की । यसअघिको फिल्म छड्के २ सुपर फ्लप भएकाले उनको स्टारडममा धक्का लागेको थियो । फर्कीफर्कीबाट उनी फेरि एकपटक आफ्नो कम्फर्ट जोनमा फर्केर लभर व्वाइको रुपमा देखिँदैछन् । जसिता गुरुङसँग पहिलोपटक अनस्क्रिन रोमान्स गर्दैछन् अनमोल । अनमोल–जसिताको टङकिस टर््ेलरमै समेटिएको छ ।

फर्की फर्कीको ट्रेलर सार्वजनिक लगत्तै चलचित्र क्षेत्रका थुप्रैले सामाजिक सञ्जालमा सेयर गरेका थिए । सबैले ट्रेलरको प्रशंसा गरेका छन् । ट्रेलर हिट हुँदा अनमोल पनि उत्सहित बनेका छन् । उनले सामाजिक सञ्जालमा स्टाटस लेख्दै दर्शकप्रति आभार व्यक्त गरेका थिए । उनी अब प्रमोसनको दौडमा लाग्ने तयारीमा छन् । फर्की फर्कीसँगै मल्टिस्टार फिल्म पुजार सार्की रिलिज हुने भएकाले अनमोललाई चुनौती छ ।

फिल्मको ट्रेलरले प्राप्त साथ र प्रतिक्रियाले वैदेशिक प्रदर्शनमा पनि बल मिलेको छ । निर्माता अधिकारीले ट्रेलर रिलिजपछि नेपालीहरू बसोबास गर्दै आएका एक दर्जनभन्दा बढी देशहरूबाट फिल्मको माग आइसकेको बताए । केही देशहरूमा फिल्मको प्रदर्शन अधिकार यसअघि नै बिक्री भइसकेको उनले जानकारी दिए । रिलिज पहिले नै फिल्मले ७५ प्रतिशत लगानि सुरक्षित गर्ने बाटोमा गएको अधिकारीको दाबी छ ।

सुयोग गुरुङ निर्देशित फिल्ममा अनमोल र जसीतासँगै रवि काफ्ले र समृद्धी अर्यालले प्रमुख भुमिकामा अभिनय गरेका छन् । काफ्ले र अर्याल दुबैको यो डेब्यू फिल्म हो ।