ओमनलाई हराउँदै युएई एसिया कपमा छनोट
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2024/04/UAE-Nepal-premier.jpg)
काठमाडौं । घरेलु टोली ओमानलाई ५५ रनले हराउँदै यूएईले एसीसी प्रिमियर कपको उपाधि जितेको छ । प्रिमियर कपको उपाधि जितेसँगै युएई २०२५ मा हुने एसिया कपमा छनोट भएको छ ।
फाइनलमा २ सय ५ रनको लक्ष्य पछ्याएको ओमानले २० ओभरमा ९ विकेट गुमाउँदै १४९ रन मात्र बनाउन सक्यो । ओमानका प्रतीक अथभले ४९ र खालिद कैलले ३० रन बनाएपनि जितका लागि पर्याप्त भएन । यूएईका जुनैद सिद्दिकले ३, मोहम्मद फारुक र आयन खानले दुईदुई विकेट लिए ।
यसअघि ओमानको अल अमरेत क्रिकेट ग्राउण्ड–१ मा टस हारेर पहिला ब्याटिङ गरेको युएईले निर्धारित २० ओभरमा ४ विकेट गुमाउँदै २०४ रन बनाएको थियो । यूएईका कप्तान मोहम्मद वासिमले शतकीय पारी खेले । अलिशान शराफु ३४ र आशिफ ३८ रनको योगदान दिए । ओमानका बिलाल खानले २, शकिल अहमद र जिशान मकसूदले एकएक विकेट लिए ।