रवि लामिछानेको दाबी- रास्वपालाई सिध्याउने षड्यन्त्र भइरहेको छ (भिडिओ)
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2024/04/rabi-lamichhane-ilam.jpg)
काठमाडौं । राष्ट्रिय स्वतन्त्र पार्टीका सभापति रवि लामिछानले आफ्नो पार्टीलाई सिध्याउने षड्यन्त्र भइरहेको दाबी गरेका छन् ।
शनिबार इलाममा आयोजित चुनावीसभालाई सम्बोधन गर्दै लामिछानेले वर्षौदेखि सत्तामा बसिरहेका मान्छेले नयाँ मान्छे आएको चित्त नबुझाएकाले रास्वपालाई सिध्याउने षड्यन्त्र भइरहेको दाबी गरे ।
उनले रास्वपालाई सिध्याउने षड्यन्त्र भए पनि जनताले उठाएको शक्तिलाई सक्याउने ताकत कसैसँग नरहेको बताए ।
‘देशलाई सुशासनको बाटोतर्फ बढाउन रास्वपालाई थप शक्ति आवश्यक छ’, गृहमन्त्रीसमेत रहेका लामिछानेले भने, ‘चुनावका बेला गल्ती गर्ने र पछि पछुताउनुपर्ने अवस्था आउन नदिन मतदाताले विवेकी निर्णय गर्नुपर्छ ।’
उनले मौन अवधिमा हुने आचारसंहिता उल्लंघनका गतिविधि नियन्त्रण गर्न सुरक्षाकर्मीलाई निर्देशनसमेत दिए ।