मधेश सरकारमा थपिए तीन मन्त्री र एक राज्यमन्त्री, आजै लिए शपथ
नेपाल प्रेस
२०८१ वैशाख ६ गते १७:०९
जनकपुरधाम । मधेश प्रदेशका मुख्यमन्त्री सरोज कुमार यादवले आज फेरि सरकार पुनर्गठन गरेका छन् ।
मुख्यमन्त्री यादवले नेकपा माओवादी केन्द्र, नेकपा एस र नेकपाका मन्त्री थपेका हुन् ।
पर्यटन मन्त्री सुनिता यादवलाई फिर्ता बोलाएर माओवादीले उनको ठाउँमा युवराज भट्टराईलाई मन्त्री बनाएको छ ।
यस्तै माओवादी संसदीय दलका नेता भरत साह पनि मन्त्री नियुक्त भएका छन् । उनको तत्काल मन्त्रालय तोकिएको छैन ।
नेकपा एसबाट बेची लुङ्गेली विना विभागीय मन्त्री र नेकपा एमालेबाट शारदा थापा गृह, सञ्चार तथा कानून राज्यमन्त्री नियुक्त भएकी छन् ।
मधेश भवनमा आयोजित एक कार्यक्रममा प्रदेश प्रमुख सुमित्रा भण्डारीले तीन मन्त्री र मुख्यमन्त्री यादवले राज्यमन्त्रीलाई पद तथा गोपनीयताको शपथ ग्रहण गराएका छन् ।
नेपाल प्रेस
प्रकाशित: २०८१ वैशाख ६ गते १७:०९
प्रतिक्रिया
सम्बन्धित खवर
