भिडियो पसल एपमा ‘एक भगवत् र एक गीता’

काठमाडौं । अभिनेता विपिन कार्कीको फरक अवतार रहेको चलचित्र ‘एक भगवत् र एक गीता’ भिडियो पसल एपमा रिलिज गरिएको छ ।

नयाँ वर्षको छेको पारेर रिलिज गरिएको उक्त चलचित्र नेपाल बाहिरबाट मात्र हेर्न सकिने व्यवस्था गरिएको छ ।

लैङ्गिक अल्पसङ्ख्यक समुदाय र मधेसको कथावस्तुमा निर्माण गरिएको चलचित्र ‘एक भगवत् र एक गीता’ ले विभेद, समानता र न्यायको सन्देश दिने प्रयास गरेको जनाइएको छ ।

झरना थापाको निर्देशन रहेको चलचित्रमा विपिन कार्की, सुहाना थापा र धिरज मगर सँगै कबिर खड्का, जेविश र जेविन श्रेष्ठ, सञ्जोग रसाइली, मुकेश झा, अनुराग कुँवर, राम कैलाश ठाकुर र धिरज ठाकुरको पनि अभिनय रहेको छ । सुनिलकुमार थापाको निर्माणमा बनेको चलचित्रको कथा निर्देशक झरना थापाको रहेको छ ।

सबै स्मार्ट डिभाइसमा भिडियो पसल एप डाउनलोड गरी फिल्म हेर्न सकिन्छ । २०१७ देखि सञ्चालनमा रहेको भिडियो पसलमा ‘छक्का पन्जा ६’, ‘झिङ्गेदाउ’, ‘मन्त्र’, ‘लाखे’ लगायतका चलचित्रहरू हेर्न सकिन्छ । एपमा चलचित्रसँगै अन्य सर्ट फिल्महरू पनि उपलब्ध छन् ।