अष्ट्रेलियाको सिड्नीको सपिङ मलमा कयौं मानिसमाथि छुरा र गोली प्रहार – Nepal Press

अष्ट्रेलियाको सिड्नीको सपिङ मलमा कयौं मानिसमाथि छुरा र गोली प्रहार

काठमाडौं । अष्ट्रेलियको सिड्नीस्थित एक सपिङ मलमा कयौं मानिसमाथि छुरा प्रहार भएको छ । मलमा एक व्यक्तिले गोलीसँगै कयौंमाथि छुरा प्रहार गरेको हो ।

स्थानीय समय अनुसार अपराह्ण ४ बजे हताहत भएको अन्तर्राष्ट्रिय सञ्चारमाध्यम बीबीसीले जनाएको छ । बीबीसीका अनुसार आतंक मच्चाएको घटनामा एक व्यक्तिलाई गोली लागेको छ र नौ महिनाको बच्चासहित धेरै व्यक्तिहरूलाई छुरा प्रहार गरिएको छ।

भीडहरू बोन्डी जंक्शनको वेस्टफिल्ड सपिङ सेन्टरबाट भागिरहेको बीबीसीले जनाएकाे छ। स्थानीय मिडियाले चार व्यक्तिको मृत्यु भएको बताएका छन्। छुरा प्रहारको रिपोर्टपछि एक व्यक्तिलाई गोली हानेपछि प्रहरीले एक महत्वपूर्ण घटना घोषणा गरेको छ।

मानिसहरूलाई सो क्षेत्रबाट जोगिन आग्रह गरिएको छ।भिडियो फुटेजले घटनास्थलमा दर्जनौं प्रहरी र एम्बुलेन्स गाडीहरू देखाएको छ, साथसाथै ठूलो चक्कु बोकेको एक व्यक्ति पनि देखिएको बीबीसीले जनाएको छ ।

न्यु साउथ वेल्स एम्बुलेन्सले समाचार एजेन्सी एएफपीलाई भने अनुसार आक्रमणकारी मानिने एक व्यक्तिलाई प्रहरीले गोली हानी मारेको छ।

एक प्रत्यक्षदर्शीका अनुसार उनीहरूले कसैलाई घाइते भएको देखे र के भइरहेको छ भनेर हेरिरहेका थिए।

उनले रोयर्टससँग भनेकी छन्,‘त्यसपछि हामीले ती सबै मानिसहरू हामीतिर दौडिरहेको देख्यौं र त्यसपछि हामीले गोली चलेको सुन्यौं र मेरो श्रीमान्ले हामीलाई तानेर अडियर्स पसलमा लगे र त्यसपछि हामीले त्यहाँ महिलालाई ढोका ताल्चा लगाउन खोज्यौं र त्यसपछि उनले अगाडिको ढोका बन्द गर्न सकेनन् त्यसैले हामी गयौं। सबै ताला लगाइएको कार्यालयमा र त्यसपछि पुलिस हामीलाई लिन नआउन्जेल हामी त्यहाँ थियौं।’

घटनाकाे  सबै विवरण भने आइसकेकाे छैन ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर