प्रदीप नेपाल अस्पताल भर्ना

काठमाडौं । एमाले नेता एवं साहित्यकार प्रदीप नेपाल अस्पताल भर्ना भएका छन् । स्वास्थ्यमा समस्या आएपछि नेपाललाई नर्भिक अस्पतालमा भर्ना गरिएको हो ।

हिजो भक्तपुरमा आयोजित एक साहित्यिक कार्यक्रममा उनी सहभागी भएका थिए । अचानक बिरामी भएपछि अस्पताल लगिएको पारिवारिक स्रोतले बतायो ।

हाल स्वास्थ्य सामान्य रहेको र चिकित्सकीय अब्जरभेसनमा राखिएको बताइएको छ । पूर्वमन्त्रीसमेत रहेका नेता नेपाल लामो समयदेखि पार्किन्सन रोगबाट पीडित छन् ।