त्रिविको रेक्टरमा केसी र रजिष्ट्रारमा रिजाल नियुक्त – Nepal Press

त्रिविको रेक्टरमा केसी र रजिष्ट्रारमा रिजाल नियुक्त

काठमाडौं । त्रिभुवन विश्वविद्यालयको रेक्टरमा प्रा.डा.खड्क केसी र रजिष्ट्रारमा प्रा.डा.केदार रिजाल नियुक्त भएका छन् । त्रिविका उपकुलपति प्रा.डा. केशरजंग बरालले त्रिभुवन विश्वविद्यालयका कुलपति प्रधानमन्त्रीसमक्ष दुई जनाको नाम सिफारिस गरेपछि उनले रेक्टर र रजिष्ट्रार नियुक्त गरेको प्रधानमन्त्री प्रचण्डको सचिवालयले जनाएको छ ।

त्रिवि ऐनअनुसार रेक्टर र रजिष्ट्रार पदमा उपकुलपतिले सिफारिस गरेका व्यक्तिलाई कुलपतिले नियुक्ति गर्नुपर्ने व्यवस्था रहेको छ । रजिष्ट्रारमा नियुक्त रिजाल वातावरण विज्ञान विभागका प्राध्यापक हुन् भने केसी त्रिविको अन्तर्राष्ट्रिय सम्बन्ध तथा कूटनीतिक विभागमा कार्यरत छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर