वैशाखमा ‘जन्ती जाँदै’ दुर्गेश, यस्तो छ लुक्स
नेपाल प्रेस
२०८० चैत २८ गते १७:२६
काठमाडौं । गायक दुर्गेश थापा नयाँ वर्षमा सांगीतिक कोशेलीसहित दर्शक/श्रोतामाझ प्रस्तुत हुने भएका छन् । उनको नयाँ गीत ‘जन्ती’ को म्युजिक भिडियो वैशाखमा रिलिज हुँदैछ ।
म्युजिक भिडियोमा नयाँ नयाँ प्रयोग गर्न खप्पिस दुर्गेशले जन्तीमा पनि कुनै कसर छोडेका छैनन् । गीतमा दुर्गेशको लुक्स निकै फरक छ र दर्शकले ठम्याउन पनि गाह्रो हुन सक्छ । यो लुक्सभित्रको रहस्य चाहिँ म्युजिक भिडियोबाटै खुल्नेछ ।
यो गीत दुर्गेश आफैँले लेखेका हुन् । संगीत र आवाज पनि उनकै छ । म्युजिक भिडिओ पनि आफैंले निर्देशन गरेका छन् ।
भिडियोमा लोसिना लामिछाने, सन्ध्या क्षेत्री र तिब्बतीमूलका गायक पेम्बा लामालाई पनि फिचर्ड छन् ।
गीतको कोरियोग्राफी रोशन विश्वकर्माले र क्यामरामा नवराज उप्रेती रहेका छन् ।
नेपाल प्रेस
प्रकाशित: २०८० चैत २८ गते १७:२६
प्रतिक्रिया
सम्बन्धित खवर
