रियाशाले बैंककमा थापिन् उत्कृष्ट अभिनेत्रीको अवार्ड
नेपाल प्रेस
२०८० चैत १९ गते १७:४६
काठमाडौं । टेलिसिरियलमा चर्चित कलाकार रियाशा दाहालले इन्टरनेसनल अचिभमेन्ट अवार्ड प्राप्त गरेकी छन् ।
बैंककमा गत शनिवार आयोजित समारोहमा उनलाई टेलिफिल्मकी उत्कृष्ट अभिनेत्री विधामा सो पुरस्कार दिइएको हो ।
गैरआवासीय नेपालीहरूको आयोजनामा सो अवार्ड समारोह आयोजना भएको थियो ।
थाइल्यान्डका अतिथिहरूसमेत डाकेर गरिएको कार्यक्रममा भाग लिन नेपालबाट थुप्रै कलाकारहरू लगिएको थियो ।
रियाशासँगै केपी खनाल, शिवहरि वैरागीलगायतले पनि अवार्ड थापेका छन् ।
रियाशा युट्युबबाट हिट भएकी कलाकार हुन् । कमेडी सिरियलहरूबाट आफ्नो पहिचान बनाएकी उनी म्युजिक भिडियोमा पनि व्यस्त छिन् ।
नेपाल प्रेस
प्रकाशित: २०८० चैत १९ गते १७:४६
प्रतिक्रिया
सम्बन्धित खवर
