अधिकांश क्रान्तिकारी सत्ताको चास्नीमा डुबे, गल्ती सच्याऊँ : डा. बाबुराम

काठमाडौं । पूर्वप्रधानमन्त्री एवं नेपाल समाजवादी पार्टीका अध्यक्ष डा. बाबुराम भट्टराईले गल्ती सच्याउँदै इतिहास दोहोरिन नदिन आव्हान गरेका छन् ।

विगतका राजनीतिक परिघटना स्मरण गर्दै उनले देशको आर्थिक/सामाजिक रुपान्तरणको काम अँधुरै रहँदा युवामा चरम निराशा छाएर विदेश पलायन बढेको बताएका छन् । फेसबुकमा लामो स्टाटस लेख्दै डा. भट्टराईले हिजोका अधिकांश क्रान्तिकारीहरू नयाँ सत्ताको चास्नीमा डुब्दै गएको टिप्पणीसमेत गरेका छन् ।

‘बाबुरामहरू जस्ता केही ‘मूर्ख’ हरू नयाँ ढंगले राजनीतिको अग्रगामी पुनर्संरचना गरौं र नयाँ आर्थिक क्रान्ति गरौं भनेर हारगुहार गरिरहेछन् ! तर त्यो अरण्यरोदन बनिरहेछ !’, उनले लेखेका छन् ।

उनको भनाई जस्ताको तस्तै

नयाॅ पुस्तालाई थाहा नहुन सक्छ! तर मलाई झलझली सम्झना छ- देशको अहिलेको राजनीतिक अवस्था करीब करीब २०३३/०३४ सालको निरंकुश पन्चायती कालरात्री जस्तो छ! मण्डलेतन्त्रको बिगबिगी थियो।जनतामा चरम निराशा थियो।प्रतिबन्धित पार्टीहरू टुटफुटबाट गुज्रिरहेका थिए।बिपी भित्रबाहिर सबैतिरबाट चेपिएर बरू राजासंग मिलेर बस्छु भन्दा पनि नसहेर जेलमा कोचिएका थिए। पुष्पलाळ आफ्नै साथीहरूबाट “गद्दार” घोषित भएर एक्लिएका थिए!