खुमबहादुरको शालिक अनावरण गर्दै देउवाले भने- उहाँलाई झूठो मुद्दामा फसाइयो
नेपाल प्रेस
२०८० चैत १६ गते १७:३९
काठमाडौं । नेपाली कांग्रेसका सभापति शेरबहादुर देउवाले तत्कालीन अवस्थामा खुमबहादुर खड्कालाई झूठो मुद्दा लगाएर फसाउन खोजिएको बताएका छन् ।
शुक्रबार दाङको लमही नगरपालिका- ९ अमिलियामा कांग्रेसका पूर्वमहामन्त्री स्वर्गीय खुमबहादुर खड्काको शालिक अनावरण गर्दै देउवाले देशका लागि काम गर्न खोज्दा खड्कामाथि झूठो मुद्दा लगाएर फसाउन खोजिएको टिप्पणी गरे ।
स्वर्गीय नेता खड्का विकासप्रेमी, मिलनसार र जनताले रुचाएका नेता भएको उनले स्मरण गरे । खड्काले छाडेर गएका बाँकी कामलाई पूरा गर्ने दायित्व कांग्रेसजनको भएको उनको भनाइ छ ।
खड्काको भारतको दिल्लीस्थित अपोलो अस्पतालमा उपचारको क्रममा २०७४ साल चैत्र १६ गते निधन भएको थियो ।
नेपाल प्रेस
प्रकाशित: २०८० चैत १६ गते १७:३९
प्रतिक्रिया
सम्बन्धित खवर
