फुटबलर एन्जिलाबारे बनेको चलचित्र ‘अञ्जिला’को पोस्टर सार्वजनिक

काठमाडौं । राष्ट्रिय महिला फुटबल टिमकी गोलरक्षक तथा कप्तान अञ्जिला तुम्बापो सुब्बाको जीवनबाट प्रभावित चलचित्र ‘अञ्जिला’को पोस्टर सार्वजनिक गरिएको छ ।

अन्तर्राष्ट्रिय महिला दिवसको अवसर पारेर चलचित्र निर्माण टिमले आज पोस्टर सार्वजनिक गरेको हो।

चलचित्रको प्रदर्शन मिति भने तय गरिएको छैन । ‘मुनलभ इन्टरटेनमेन्ट’ को निर्माणमा बनेको चलचित्रको फस्टलुक पोस्टरमा अञ्जिलासँगै अभिनेता दयाहाङ राई फिचर्ड छन् ।

तुम्बापोको यो डेब्यु चलचित्र हो । पोस्टरमा उनलाई डोको र फुटबल बोकेर हिंडिरहेको देखाईएको छ। चलचित्रलाई निर्देशक मिलन चाम्सले निर्देशन गर्दैछन। चलचित्रको निर्माता प्रेम कुमार श्रेष्ठ हुन भने सह–निर्माता विनोद अग्रवाल र राजेस बगडिया हुन।