माओवादीका साविक मन्त्रीमा ३ जना यथावत्, सुदनको ठाउँमा हितबहादुर

काठमाडौं । नेकपा माओवादी केन्द्रबाट जाने मन्त्रीको मन्त्रालय टुंगिएको छ । सत्तागठबन्धनमा भागबन्डा टुंगाएपछि माओवादीले पार्टीबाट सरकारमा पठाउने मन्त्रीको टुंगो लगाएको हो ।

माओवादीले यसअघि उपप्रधान तथा गृहमन्त्री रहेका नारायणकाजी श्रेष्ठलाई परराष्ट्र, वर्षमान पुनलाई अर्थ, शक्ति बस्नेतलाई उर्जा, रेखा शर्मालाई सञ्चार र हितबहादुर तामाङलाई पर्यटन मन्त्रालयमा पठाइने भएको छ ।

माओवादीले सुदन किरातीबाहेक सबै दोहोरिने मौका पाएका छन् उपमहासचिवसमेत रहेका पुनलाई नयाँ ल्याइएको छ ।

यसअघि माओवादीकै कोटाबाट मन्त्री बनेका नेसपाका नेता महिन्द्रराय यादव पनि गठबन्धन फेरिएपछि सरकारमा अटाएनन् । उनी नेकपा माओवादी केन्द्रकै चुनाव चिन्हबाट निर्वाचित भएर आएका थिए भने पर्यटन राज्यमन्त्री रहेकी सुशीला श्रीपाली पनि सरकारमा अटाइनन् ।