नवगठबन्धन बैठकमा स्वर्णिम पनि मिसिए

काठमाडौं । शक्ति बाँडफाँटमा सहमति जुटाउन नवगठबन्धनका शीर्ष नेतृत्व छलफलमा जुटेको छ । बालुवाटारमा जारी बैठकले संघदेखि प्रदेशसम्मको भागबन्डाको सहमति प्याकेजमै जुटाउने तयारीमा नेताहरू लागेका छन् ।

एमालेका एक पदाधिकारीका अनुसार प्रदेशसम्मको बाँडफाँट प्याकेजमै मिलाउने गरी छलफल भइरहेको छ ।

बालुवाटार छलफलमा प्रधानमन्त्री प्रचण्ड, एमाले अध्यक्ष केपी शर्मा ओली, रास्वपा सभापति रवि लामिछाने, स्वर्णिम वाग्ले र जसपा अध्यक्ष उपेन्द्र यादव सहभागी छन् । त्यस्तै वर्षमान पुन, नारायणकाजी श्रेष्ठ, विष्णु पौडेल राजेन्द्र श्रेष्ठ पनि बैठकमा छन् । वाग्ले पहिलो पटक गठबन्धनको छलफलमा पुगेका हुन् ।

प्रधानमन्त्री पुष्पकमल दाहाल ‘प्रचण्ड’ ले कांग्रेस नेतृत्वको गठबन्धन तोडेर आज नयाँ मन्त्रिपरिषद् पुनर्गठन गर्दैछन् । आजै साँझ एमाले, माओवादी र रास्वपाका एकएकजना गरी तीनजनालाई विनाविभागीय मन्त्रीको शपथ गराउने तयारी छ ।