एसिया फिनटेक अलायन्समा आबद्ध भयो फिनटेक अलायन्स नेपाल

काठमाडौं । फिनटेक अलायन्स नेपाल (फ्यान) ले एसिया फिनटेक अलायन्स (एफए)को सदस्यता प्राप्त गरेको छ ।

नेपालमा फिनटेक इनोभेसन र डिजिटल वित्तीय समावेशीकरणका लागि फिनटेक अलायन्स नेपालले नेतृत्वदायी भूमिका निर्वाह गर्दै आईरहेको छ। सँगै फिनटेक अलायन्स नेपालले एसिया फिनटेक अलायन्सको नेटवर्कभित्र एसियाभरका प्रख्यात फिनटेक एसोसिएसनहरूसँग एउटै मञ्चबाट सहकार्य गर्न पाउने भएको हो।

एसिया फिनटेक अलायन्स नेटवर्क भित्र एसियाभरका प्रख्यात फिनटेक एसोसिएसनहरूसँग एउटै मंचबाट हातेमालो गर्दै सहकार्य गर्न पाउँदा उत्साहित रहेको जनाइएको छ । ।

साझेदारीले नेपालि फिनटेक कम्पनि र यो क्षेत्रमा आबद्द प्रोफेसनलहरूको एसिया प्रशान्त क्षेत्रका फिनटेक संघ संस्थाहरु संग सहकार्य र साझेदारी बढाउन, उत्कृष्ट अभ्यासहरू साझेदारी गर्न र सामूहिक वृद्धिलाई अगाडि बढाउन सहज हुने बिस्वास कम्पनीले लिएको छ ।

एसिया फिनटेक गठबन्धनले सिंगापुर, दक्षिण कोरिया, जापान, फिलिपिन्स, ताइवान, इन्डोनेसिया, हङकङ, मलेसिया, थाइल्यान्ड, मङ्गोलिया र अहिले नेपाल जस्ता प्रमुख बजारहरूबाट फिनटेक एसोसिएसनहरूको विविध समूहलाई एकसाथ ल्याउँछ।

यस सहकार्यले फ्यान लाई नेपालको फिनटेक इकोसिस्टमको विकासलाई गति दिँदै क्षेत्रभरका अन्तर्दृष्टि र विशेषज्ञताको लाभ उठाउने राम्रो अवसरहरू प्रस्तुत गर्ने जनाइएको छ ।

फ्यानका अध्यक्ष श्री सञ्जीब सुब्बाले भने, ‘यो साझेदारी नेपालमा फिनटेक नवप्रवर्तन र डिजिटल वित्तीय समावेशीकरणको हाम्रो दृष्टिकोणसँग मिल्दोजुल्दो छ, र हामी एसियाली फिनटेक समुदायको सामूहिक वृद्धिमा योगदान गर्न पाउँदा उत्साहित छौं।’

फ्यानका प्रवक्ता विकास सरनले भने, ‘हामी विश्वास गर्दछौं कि एशियामा हाम्रा समकक्षहरूसँग मिलेर काम गरेर, हामीले नयाँ अवसरहरू उक्पोल्र गर्न सक्छौं, साझा चुनौतीहरूलाई सम्बोधन गर्न सक्छौं र फिन्टेक परिदृश्यमा प्रभावकारी परिवर्तन गर्न सक्छौं ।’

फिनटेक एलायन्स नेपाल नेपालमा फिनटेक नवप्रवर्तन, उद्यमशीलता र डिजिटल वित्तीय समावेशीकरणलाई प्रवर्द्धन गर्न समर्पित एक अग्रणी फिनटेक संगठन हो।

यसले स्टार्टअप, वित्तीय संस्था, नियामक र प्रविधि प्रदायक लगायत फिनटेक सरोकारवालाबिच सहकार्यमा सकारात्मक परिवर्तन ल्याउन र नेपालको विकसित वित्तीय परिदृश्यमा फिनटेकको पूर्ण सम्भावनाको ढोका खोल्न उत्प्रेरकको रूपमा काम गर्दै आएको छ।