अमेरिकन डीजे वाल्सी फायरले एलओडीमा प्रस्तुति दिने

काठमाडौँ । नेपालस्थित अमेरिकी दूतावासको सहकार्यमा ठमेलस्थित एलओडी क्लबमा जमैकन अमेरिकी डीजे वाल्सी फायरले प्रस्तुति दिने भएका छन् । यही फेब्रुअरी २१ मा प्रस्तुति दिन डीजे वाल्सी फायरलाई नेपाल ल्याइएको हो ।

वाल्सी फायर डीजे मेजर लेजर समूहका सदस्य डीजे वाल्सी फायरल जमैकन अमेरिकी डीजे, एमसी र रेकर्ड निर्मातासमेत हुन् । बुधबारको प्रस्तुतिमा समूह डीजे डिप्लो र एप ड्रम्सको साथमा रहने जनाइएको छ ।

वाल्सी फायरको कार्यक्रम बुधबार राति ११ बजे सुरु हुने क्लबका निर्देशक रविन श्रेष्ठले बताए । सहभागी हुन चाहने दर्शकले ई–सेवाबाट १ हजार मूल्यको टिकट लिन सक्नेछन् ।

यसअघि पनि एलओडीमा बलिउडका नेहा कक्कर, अर्मन मल्लिक र इण्डियन आइडल पवनदीपलगायतका गायकहरूले शो गरिसकेका छन् । त्यसैगरी, टिम्मी ट्रम्पेट, टोपिक, स्टेबिन बेन, ज्योतिका टंगारीलगायतका कलाकारले समेत प्रस्तुति दिइसकेका छन् ।