क्यानडाविरुद्ध टस जिटेर ब्याटिङ गर्दै नेपाल
तामाङ र ढकालको डेब्यू
नेपाल प्रेस
२०८० माघ २५ गते ९:०६
काठमाडौं । क्यानडाविरुद्धको एकदिवसीय सिरिज अन्तरगत नेपालले पहिले ब्याटिङ गर्ने भएको छ ।
त्रिवि क्रिकेट मैदानमा कप्तान रोहित पौडेलले टस जितेर ब्याटिङ गर्ने निर्णय गरेका हुन् ।
हुने खेल बिहान सवा ९ बजेबाट खेल सुरु हुनेछ ।
नेपालले डब्लुसीएल लिग टूको तयारी स्वरुप क्यानडाविरुद्ध सिरिजको आयोजना गरेको हो ।
आजको खेलमा स्पीनर सूर्य तामाङ र रिजन ढकालले डेब्यू गरेका छन् ।
देव खनाल, हेमन्त धामी, आकाश चन्द्र र अनिल साह बेन्चमा रहेका छन् ।
नेपालको प्लेइङ एघारमा कप्तान रोहित पौडेलसहित कुशल भुर्तेल, सूर्य तामाङ, आसिफ शेख, कुशल मल्ल, भीम सार्की, आरिफ शेख, पवन सर्राफ, रिजन ढकाल, ललित राजवंशी र सोमपाल कामी छन् ।
नेपाल प्रेस
प्रकाशित: २०८० माघ २५ गते ९:०६
प्रतिक्रिया
सम्बन्धित खवर
