फागुन ४ गते प्रदर्शनमा आउने ‘जिग्री’को ट्रेलर सार्वजनिक

काठमाडौं । फागुन ४ गते प्रदर्शनमा आउन लागेको चलचित्र ‘जिग्री’को ट्रेलर सार्वजनिक गरिएको छ । ट्रेलरमा पैसाको चक्कर र दुई युवाले जीवनमा भोग्नुपर्ने उल्झनलाई प्रस्तुत गरिएको छ । चलचित्रको केही दिन अघिमात्र टिजर सार्वजनिक गरिएको थियो ।

‘जिग्री’ कमेडी, क्राइम, एक्सन-ड्रामामा आधारित चलचित्र हो। आकाश मगरले निर्देशन गरेको चलचित्रमा अभयराज बराल, आकाश मगर, सुप्रिया राना, रोशन सुवेदी, जीवन बराल, वासुदेव खनाल, नवीन लम्साल, केदार श्रेष्ठ, दिवाकर घिमिरे, सुशीला लक्ष्मी महर्जन, मनिष व्याञ्जु, स्नेहा रसाइली, अर्जुन पौडेल, शंकर भण्डारीलगायतको अभिनय रहेको छ।

‘जिग्री’ वर्तमान समयका दुई युवाको कथा हो । ती युवाहरूले महँगी र अभावमा पिल्सँदै काठमाडौंमा टिकेर बस्न गरेको सङ्घर्ष चलचित्रको मुख्य विषयवस्तु रहेको निर्माण पक्षले जनाएको छ ।

सुस्केरा आर्ट्सको प्रस्तुति तथा निर्माण र लोकल सिनेमाको निर्माण सहकार्य रहेको चलचित्रका कार्यकारी निर्माता कुसुम थापा मगर र निर्माता कुमार श्रेष्ठ रहेका छन् । चलचित्रमा छायाङ्कन सुमित भट्ट र सोमित माझी, सम्पादन र कलर सरुन मानन्धर, ध्वनि परिकल्पना र मिश्रण किशोर आचार्य, प्रोडक्सन डिजाइन आकी थेक्पा, सङ्गीत सुवास पौडेल र भास्कर स्वाँर, कास्टिङ निर्देशक केदार श्रेष्ठ र भीएफएक्स लुज राजभण्डारीको रहेको छ । चलचित्रको वितरण सुस्केरा आर्ट्सले नै गर्नेछ ।