इन्डियन आइडलकाे टप १० बाट बाहिरिइन् मेनुका पाैडेल – Nepal Press

इन्डियन आइडलकाे टप १० बाट बाहिरिइन् मेनुका पाैडेल

काठमाडौं । मेनुका पौडेल भारतीय टेलिभिजन रियालिटी शो ‘इण्डियन आइडल’बाट बाहिरिएकी छन् । आइतबारको एपिसोडमा उनी प्रतिस्पर्धाबाट बाहिरिएकी हुन्।

नेपाली चेली मेनुका पौडेल शोको उत्कृष्ट १० मा छनोट हुन सफल भएकी थिइन् । प्रतिस्पर्धाबाट बाहिरिएपछि उनले सामाजिक संजालमा आफ्नो इण्डियन आइडलको यात्रा टुंगिएको जानकारी गराएकी छन् ।

उनले आफ्नो स्टाटसमा ईन्डियन आइडलको प्रतिस्पर्धाबाट बाहिरिनु आफ्नो समाप्ती नभई सुरुवात भएको जनाएकी छन्।

उनी लेखेकी छन्,’आजबाट इण्डियन आइडलको मेरो यात्रा सकिएको छ। तर मेरो जीवनको सांगीतिक यात्रा भने भर्खर सुरु भएको छ। म पहिलाभन्दा सक्रिय रहेर गायन र प्रस्तुतिमार्फत सबैलाई अझै मनोरञ्जन दिनेछु। ईन्डियन आइडल सिजन १४ को टप १० सम्म पुर्याउन साथ दिनुहुने सबैप्रति आभार व्यक्त गर्न चाहन्छु। यो मेरो सुरुवात हो, समाप्ती होइन। अहिलेको लागी ईन्डियन आइडलबाट बिदा माग्न चाहन्छु।’

उनले यो वर्षभरि नै आफ्नो पाइपलाइनमा संगीतको योजना रहेकाले आउने दिनहरूमा पनि आफुलाई यस्तै माया गर्न आग्रह समेत गरेकी छन् ।


प्रतिक्रिया

One thought on “इन्डियन आइडलकाे टप १० बाट बाहिरिइन् मेनुका पाैडेल

  1. नेपालीलाई माथि पुग्न त कहाँ दिन्छन र ईण्डियनहरूले ?

Leave a Reply

Your email address will not be published. Required fields are marked *

सम्बन्धित खवर