प्रधानमन्त्री कांग्रेसको ढाडमा टेकेर टाउकोमा हान्दैछन्, गठबन्धनले राजीनामा माग्नुपर्छ– नेता महर
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2024/02/nainsing-mahar.jpg)
भक्तपुर । नेपाली कांग्रेसका केन्द्रीय सदस्य नैनसिंह महरले माओवादी अध्यक्ष प्रचण्ड नेतृत्वको सरकारले कांग्रेसको ढाडमा टेकेर कांग्रेसकै टाउकोमा हिर्काउने रणनीति अपनाइरहेको र र सोही व्यवहार देखाउन थालेको दावी गरेका छन् ।
नेपाली कांग्रेस चाँगुनारायण नगर समितिको प्रथम सम्मेलनलाई दुवाकोटमा सम्बोधन गर्दै नेता महरले कांग्रेस पार्टीको असफलता रोक्नका लागि वर्तमान गठबन्धनको नेतृत्वबाटै प्रधानमन्त्रीको राजीनामा माग्नुपर्ने बताए । उनले कांग्रेसलाई असफल बनाउने मिसनमा प्रचण्ड सरकार रहेको आरोप समेत लगाएका छन् ।
नेता महरले सरकारले जनपक्षीय काम नगर्ने र त्यसको असफलताको भारी कांग्रेसलाई बोकाउने नीति लिएको दावी गरे । उनले प्रधानमन्त्रीले सुशासन कायम गर्न नसकेको र आलोचना बढ्न थालेपछि कांग्रेसमाथिनै प्रहार साँधेको आरोप समेत लगाएका छन् ।
कांग्रेस नेता र सांसद तथा कांग्रेससँग जोडिएका व्यक्तिहरुलाई सुशासनका नाममा प्रहरी लगाएर दुःख दिन थालिएकोतर्फ संकेत गर्दै उनले सरकार असफल बन्दै गएको बताए ।
पैसा काे लागि तिम्रा नेताले कम्युनिस्ट सँग साँठगाँठ गर्दा यस्तै परीणाम अाउँछ।अझ पनि कम्युनिस्टको साथ नछाडे भविष्यमा तिमी काँग्रेसीहरूकाे नाम निसान रहने छैन्।
दाजुभाउजूलाई भएकै छ । तिमीहरू पुच्छरलाई अलिअलि जुठो खान दिएपछि भैगयो ।