थ्रीस्टार क्लब आहा रारा गोल्ड कपको सेमिफाइनलमा प्रवेश
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/03/football.jpg)
काठमाडौं । थ्रीस्टार क्लब पोखरामा जारी आहा रारा पोखरा गोल्ड कपको सेमिफाइनलमा प्रवेश गरेको छ ।
पोखरा रङ्गशालामा शनिवार भुटानको पारो फुटबल क्लबलाई अतिरिक्त समयमा दुई गोलले पराजित गरेपछि थ्रीस्टार सेमिफाइनलमा प्रवेश गरेको हो ।
निर्धारित ९० मिनेटको खेल बराबरीमा रोकिएपछि अतिरिक्त समयमा धकेलिएको थियो । थ्री स्टारका अनिष चापागाईँले अतिरिक्त समयको २६ र २९औँ मिनेटमा गोल गरेका थिए ।
प्रतियोगिता अन्तर्गत आइतबार साबिक विजेता संकटा एफसी र विभागीय टोली त्रिभुवन आर्मीबीच हुने दोस्रो क्वाटर फाइनल हुनेछ ।
प्रतियोगिताका विजेताले रु १२ लाख एक हजार र उपविजेताले रु छ लाख एक हजार प्राप्त गर्ने आयोजक सहारा क्लबले जनाएको छ ।