सरकारको दाबी- हिउँदे अधिवेशन विधेयक अधिवेशनको रुपमा परिणत हुन्छ
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/12/rekha-sharma-2.jpg)
काठमाडौं । आगामी हिउँदे अधिवेशनबाट धेरैभन्दा धेरै विधेयक पारित गराउने सरकारको तयारी छ ।
मन्त्रिपरिषद्को निर्णय सार्वजनिक गर्ने क्रममा यो अधिवेशनमा धेरै विधेयक पारित गराउन सरकारले गृहकार्य गरिरहेको सरकारका प्रवक्ता एवं सूचना तथा सञ्चार प्रविधिमन्त्री रेखा शर्माले बताइन् ।
उनले भनिन्, ‘हिउँदे अधिवेशन भनेको विधेयक अधिवेशन हो । संघीयता कार्यान्वयनको लागि आवश्यक कानून मन्त्रालयले अगल अलग मन्त्रालयसँग छलफल पनि गरिरहेको छ । हिजोको क्याबिनेटमा पनि प्रधानमन्त्रीले सबै मन्त्रालयलाई निर्देशन गरिसक्नुभएको छ । त्यहीअनुसार सबै मन्त्रालय विधेयक बनाउन लागिरहेको रिपोर्टिङ पनि छ ।’
उनले संघीय शिक्षा ऐन, संघीय निजामती ऐन, प्रहरी ऐनलगायतका महत्वपूर्ण ऐनलाई पनि टुंग्याउने बताइन् ।
सञ्चारमन्त्री शर्माले भनिन्, ‘सञ्चारसहित सबै मन्त्रालयले विधेयक लिएर जाछन् । यो पटकको अधिवेशन साँच्चै विधेयक अधिवेशनको रुपमा परिणत हुन्छ भन्ने सरकारको आशा छ । त्यहीअनुसार होमवर्क भइरहेको छ ।’