विश्व चर्चित कोरियाली चलचित्र प्यारासाइटका नायकको निधन
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/12/132145972_gettyimages-1150924936.jpg.webp)
काठमाडौं । ओस्कार विजेता विश्व प्रसिद्ध कोरियाली चलचित्र प्यारासाइटका नायकको मृत्यु भएको छ ।
बीबीसीका अनुसार दक्षिण कोरियाली नायक ली सुन क्युनको ४८ वर्षको उमेरमा निधन भएको हो ।
दक्षिण कोरियाको राजधानी सिओलको कार पार्कमा बेहोस अवस्थामा रहेका उनी पछि मृत घोषित भएका हुन् ।
यद्यपि नायक आफैँले आफूलाई मारेका हुन वा अरू कुनै कारण हो भन्नेमा कुनै यकिन नभएको बिबिसीले उल्लेख गरेको छ ।
नायकले घर छोड्नु अगाडि केहि लेखेर गएको बताइएको छ । तर, के लेखेका थिए भन्ने अहिलेसम्म खुलाइएको छैन ।
उनी गत अक्टोबरबाट लागूऔषध प्रयोग गरेको आरोपमा प्रहरीको छानबिनमा परेका थिए ।
सन २०१९ मा विश्व बजार तताएको प्यारासाइट चलचित्रका चर्चित नायकको रूपमा चिनिएका उनी चलचित्रमा एक धनाड्य पार्क दोङ इक नामको पात्रको रूपमा खेलेका छन् ।