सन्दीपको मुद्दामा फैसला बहस सुरु
नेपाल प्रेस
२०८० पुष ८ गते १३:३८
काठमाडौं। क्रिकेटर सन्दीप लामिछानेविरुद्ध लागेको जबर्जस्ती करणीको मुद्दामा फैसला बहस सुरु भएको छ ।
काठमाडौं जिल्ला अदालतका न्यायाधीश शिशिरराज ढकालको इजालासमा बहस आरम्भ भएको हो ।
सुरुमा जाहेरवालातर्फबाट सरकारी वकिलले बहस गरिरहेका छन् । त्यसपछि सन्दीपको तर्फबाट बहस हुने छ ।
आजै फैसला आउने सम्भावना कम रहेको स्रोतले बताएको छ ।
यसअघि अघिल्लो इजलासले बहस नोट पेश गर्न आदेश गरेको थियो । विभिन्न बहानामा यो मुद्दाको बहस पछि धकेलिँदै आएको छ ।
जाहेरवालातर्फबाट २ जना सरकारी वकिल र अन्य ६ जना वकिलले बहस गर्ने तयारी छ ।
यस्तै सन्दीपको तर्फबाट वरिष्ठ अधिवक्ताहरू शम्भु थापा, कृष्ण सापकोटा, रमन श्रेष्ठ, सविता भण्डारी बरालसहितले बहस गर्नेछन् ।
अहिलेसम्म एक जना सरकारी वकिलले बहस गरेका छन् ।
नेपाल प्रेस
प्रकाशित: २०८० पुष ८ गते १३:३८
प्रतिक्रिया
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
