बेलायती अध्ययन भन्छः मान्छेको स्वाशले ग्लोबल वार्मिङ बढाइरहेको छ

काठमाडौं । मान्छेले फेर्ने स्वाशबाट ग्लोबल वार्मिङ बढिरहेको एक अध्ययनले देखाएको छ । मान्छेले स्वाश फेर्दा फाल्ने मिथेन र नाइट्रो अक्साइडले ग्लोबल वार्मिङमा ठूलो सहयोग पुर्‍याएको बेलायतको एक अध्ययनले देखाएको छ ।

बुधबार प्लोसवानमा प्रकाशित एक अध्ययन लेख अनुसार बेलायतमा मिथेन उत्सर्जनको ०.०५ प्रतिसत र नाइट्रो अक्साइमा ०.१ प्रतिसत योगदान दिएको देखिइएको छ ।

बेलायतका बायुमण्डलिय भौतिकशास्त्री निकोलस कोवन नेतृत्वको अनुसन्धानकर्ताहरुले गरेको अध्ययनले यस्तो निचोड दिएको हो । अनुसन्धानकर्ताहरुले ग्लोबल वार्मिङको बारेमा मान्छेको श्वासको योगदानको बारेमा हुनुपर्ने जत्तिको अध्ययन र चिन्ता नभएको समेत उल्लेख गरेको रुसी विश्व समाचार च्यानल आरटीले उल्लेख गरेको छ ।