बीवाईडीद्वारा नेपाल भर ११ डीसी चार्जरको फास्ट चार्जिङ्गको विस्तार

काठमाडौं । बिवाईडी अटो इन्डस्ट्री कम्पनी लिमिटेडको नेपालका लागि आधिकारिक वितरक सिमेक्स ईक प्रालीले देशका मुख्य स्थानहरुमा ११ डीसी फास्ट चार्जर जडान गरेको छ ।

कम्पनीले देशका मुख्य शहर पोखरा, नेपालगंज, बुटवल, विराटनगर, जनकपुर, नारायणघाट, अनामनगर, मुलकोट, बिर्तामोड, नक्साल र गुह्येश्वरीमा जडान गरेको हो । ११ डीसी फास्ट चार्जर मध्ये १० ओटा चार्जरले ३० किलोवाटको पावर आउटपुट दिन्छ भने, मुलकोटमा जडित चार्जर भने ६० किलोवाटको फास्ट चार्जर दिन्छ ।

सिमेक्स ईक प्रालीलद्वारा पहिलेनै विभिन्न स्थानमा जडान गरिसकिएका ४० किलोवाटका १४ फास्ट चार्जर नेटवर्कलाई थप विस्तार गरिएको कम्पनीले जनाएको छ । साथै, डिसेम्बर २०२३ को अन्त्य सम्ममा थप १८ फास्ट चार्जरहरु पनि संचालनमा ल्याइने जनाइएको छ । ।

चर्जिङ्ग स्टेशनका लागि सम्पर्क नम्वर सीमेक्सको अधिकारिक वेबसाइटमा गएर हेर्न सकिनेछ ।