भूकम्प प्रभावित क्षेत्रमा उद्दारका लागि हिँड्यो लुम्बिनीको टोली

रूपन्देही । भूकम्प प्रभावित क्षेत्रमा उद्दार र स्वास्थ्य उपचारमा सहयोग पुर्याउन लुम्बिनी प्रदेश सरकारको टोली हिँडेको छ ।

लुम्बिनीका मुख्यमन्त्री डिल्लीबहादुर चौधरी र कर्णाली प्रदेश सरकारका मुख्यमन्त्रीसँगको समन्वयमा दाङबाट राप्ती प्रादेशिक अस्पताल तुल्सीपुरका मेसु डा पदमराज अधिकारीको नेतृत्वमा स्वास्थ्यकर्मी र विशेषज्ञ चिकित्सक सहितको टोली भुकम्प प्रभावित क्षेत्र जाजरकोट र रुकुमका लागि हिँडेको हो ।

प्रदेश सरकारको तर्फबाट प्रदेशका गृहमन्त्री सन्तोषकुमार पान्डेयको नेतृत्वमा उद्दार टोली जान लागेको मुख्यमन्त्रीको सचिवालयले जनाएको छ ।