जितपुर सिमराका पूर्वमेयर तथा एमाले नेता पौडेल मृत फेला
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/10/Krishna-Poudel.jpg)
जनकपुरधाम । बाराको जितपुर सिमरा उपमहानगरपालिकाका पूर्वमेयर तथा नेकपा एमाले नेता कृष्ण पौडेल घरमै मृत फेला परेका छन् ।
नेता पौडेल आज साँझ जितपुर सिमरा उपमहानगरपालिका २ स्थित घरमै मृत भेटिएका हुन् । जिल्ला प्रहरी कार्यालय बाराका प्रवक्ता डीएसपी दधिराम न्यौपानेले पौडेल मृत फेला परेको पुष्टि गरे ।
घरमा घोप्टो परेको अवस्थामा उनको शव फेला परेको छ । उनको मृत्यू कसरी भएको विषयमा अहिले केही नखुलेको र प्रहरी घटनास्थलमा पुगेर अनुसन्धान गरिरहेको डीएसपी न्यौपानेले बताए ।
नेकपा एमाले मधेश प्रदेशका पूर्वसचिवसमेत रहेको पौडेलको मृत्यु रहस्यमयी देखिएको छ । एमाले मधेश प्रदेश समितिको अधिवेशनसमेत चलिरहेको बेला उनी मृत फेला परेपछि धेरैले आश्चर्य मानेका छन् ।
घरमा मृत्यु र प्रदेश अधिवेशन अनि रहस्य । यस्ता वाहियात झोले पत्रकार । अधिवेशन स्थलमा भए लौ लेख्यो भन्नू ।