हुम्लामा बाढीले बगाउँदा एकजना बेपत्ता
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/06/badi_khola.jpg)
सिमकोट । हुम्लाको रिपगाड खोलाले बगाउँदा एकजना बेपत्ता भएका छन् । ताजाकोट गाउँपालिका–४ का ५० वर्षीया मनऋषी जैसीलाई खोलाले बगाउँदा बेपत्ता भएका हुन् ।
बुधबारदेखि निरन्तर परेको वर्षाका कारण सर्केगाड गाउँपालिका२ स्थित रिपगाड खोलामा आएका बाढीले सिमकोटबाट घर फर्किदै गरेका जैसी बेपत्ता भएको स्थानीय बीजय फडेराले जानकारी गराएका थिए ।
वर्षासँगै रिपगाड खोलामा आएको बाढीले झोलुङ्गे पुल र काठको साँघु बगाएपछि खोलामा तर्दै गर्दा जैसीलाई बाढीले बगाएर बेपत्ता भएको प्रमुख जिल्ला अधिकारी श्रीनाथ पौड्यालले बताए ।
रातभर परेको अबिरल वर्षापछि शुक्रबार बिहान गएको बाढीले रिपगाड खोलमा भएका २ वटा घट्ट सहित घट्टमा पिस्न राखिएका ३० बोरा अन्न समेत बगाएको पौडेलले बताए ।