अनिता र खेमले ल्याए तिजगीत ‘मनै त हो साइला’, भिडिओमा पल र गीताको चमकदमक

काठमाडौं । गायिका अनिता चलाउने र गायक खेम सेञ्चुरीको स्वरमा रहेको ‘मनै त हो, साइलो हाम्रो पनि’ बोलको नयाँ तीजगीत सार्वजनिक भएको छ । गीतको भिडिओमा अभिनेता पल शाह र मोडल गीता ढुंगाना फिचर्ड छन् ।

अनिता चलाउने अफिसियल युटउब च्यानलमार्फत शुक्रबार सो गीत सार्वजनिक गरिएको हो । सार्वजनिक भएको दुई दिनमा गीतलाई २ लाख ६१ हजारभन्दा बढीले हेरिसकेका छन् । आउँदो तिजमा नाच्नका लागि यो एउटा राम्रो डान्सिङ नम्बर हो ।

गीतमा नेत्र अर्यालको शब्द तथा गायक खेम सेन्चुरीकै संगीत रहेको छ । भिडियोलाई निर्देशक विक्रम चौहानले निर्देशन गरेका हुन् । भिडियोमा कोरियोग्राफी पनि उनैको रहेको छ ।

मालश्री स्टुडियोमा रेकर्डिङ गरिएको गीतमा विनोद बाजुरालीको एरेन्जिङ, खडक बाजुरालीको मिक्सिङ र मिलन विश्वकर्माको दृश्य सम्पादन तथा कलरिङ छ ।

भिडिओमा पल शाह र गीता ढुंगानको केमेस्ट्री खुबै मिलेको छ । दुवैले उत्कृष्ट नृत्य गरेका छन् । साडीचोलोमा गीता निकै खुलेकी छन् ।

भिडिओ