रुपा ताल जाँदै गरेको मोटरसाइकल दुर्घटना हुँदा लमजुङका २ युवाको मृत्यु
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/05/accident.jpg)
पोखरा ।कास्कीको रुपा ताल नजिकै मोटरसाइकल दुर्घटना हुँदा २ जनाको मृत्यु भएको छ ।
पोखरा महानगरपालिका ३२ बाट रुपा तालतर्फ जाँदै गरेको प्रदेश नम्बर ३–०२–००९ प ५२०५ नम्बरको मोटरसाइकल रुपा गाउँपालिका ६ निगालझाँप्रामा शनिबार सडकबाट तल खस्दा दुई जनाको मृत्यु भएको जिल्ला प्रहरी कार्यालय कास्कीले जनाएको छ ।
दुर्घटनामा लमजुङ दुधपोखरी गाउँपालिका ६ का २९ वर्षीय कृष्ण गुरुङ र सोही ठाउँका २४ वर्षीय अशोक गुरुङको मृत्यु भएको जिल्ला प्रहरी कार्यालय कास्कीका सूचना अधिकारी श्रवणकुमार विकले जानकारी दिए ।
दुर्घटना घाइते उनीहरुको उपचारका लागि गण्डकी अस्पताल पु¥याइएकोमा अस्पतालले मृत घोषणा गरेको थियो । मोटरसाइकल घुम्तीमा आफै अनियन्त्रित भइ सडकमुनि खसेको प्रहरीले जनाएको छ । मोटरसाइकल सडकबाट करिब ९० मिटर तल खसेको छ ।