आईएमई लाइफ इन्स्योरेन्सद्वारा रक्तदान कार्यक्रम

काठमाडौं । आईएमई लाइफ इन्स्योरेन्सले आफ्नो स्थापना दिवसमा बृहत रक्तदान कार्यक्रम गरेको छ ।

शुक्रबार इन्स्योरेन्सले आफ्नो ६औं स्थापना दिवसको अवसरमा देशका सातवटै प्रदेशमा रक्तादान कार्यक्रम गरेको हो ।

सातै प्रदेशमा रहेका साखा कार्यालय विर्तामोड, इटहरी, वीरगञ्ज, मिर्चैया, नारायणघाट, पोखरा, बुटवल, सुर्खेत, नेपालगन्ज, टीकापुर र धनगढीमा ६१९ जनाले रक्तदान गरेको कम्पनीले जनाएको छ । कम्पनीका प्रमुख संचालन अधिकृत दिनेश अमात्यका अनुसार, सामाजिक उत्तरदायित्वको भावना बहन गर्दै रक्तदान कार्यक्रम गरिएको हो ।