सप्तरी जिल्ला प्रशासनमा पत्रकारलाई पनि फोटो र भिडिओ खिच्न रोक
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/08/CDO-Office-Saptari0.jpg)
जनकपुरधाम । जिल्ला प्रशासन कार्यालय सप्तरी परिसरको फोटो र भिडियो खिच्न पत्रकारलाई समेत रोक लगाइएको छ ।
सहायक प्रमुख जिल्ला अधिकारी लेवन काश्यप अधिकारीले अनुमति बिना कार्यालय परिसर भित्रको फोटो र भिडिओ लिन रोक लगाएको सूचना जारी गरेका हुन् ।
सूचनामा भनिएको छ, ‘सेवा लिन आउने सेवाग्राही, पत्रकार, सर्वसधारणले बिना अनुमति कार्यालय परिसर भित्रको फोटो, भिडियो खिचि सामाजिक सञ्जाल, अनलाइन, पत्रपत्रिकामा राखेको पाइएकोले कर्मचारीको व्यक्तिगत गोप्यनियताको हक र कार्यालयको सुरक्षा संवेदनशिलताका कारण आदेशानाुसार यो सूचना जारी गरिएको छ ।’
सूचना विपरित गतिविधि गरे/गराइएको पाइएमा प्रचलित कानून बमोजिम कारबाही हुने चेतावनी समेत दिइएको छ ।
फोटो भिडियो खिच्न रोक लगाएको विषयमा सप्तरीका पत्रकारहरु आपत्ति जनाएका छन् । त्यहाँका पत्रकार शौरभ यादवले पत्रकारमाथि सिडिओले ठाडो हस्तक्षेप गरेको टिप्पणी गरेका हुन् ।