महाकालीमा बाढीले सतर्कता तह पार गर्यो, वनबासा पुलबाट आवागमन बन्द
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/08/banbasa-pul-sarada-byarej-e1691561726499.png)
कैलाली । महाकाली नदीको बाढीले सतर्कताको तह पार गरेको छ ।
बाढीले सतर्कता तह पार गरेपछि अहिले शारदा ब्यारेज (वनबासा) पुलमा चार पाङ्ग्रे सवारी साधनलाई रोक लगाइएको कञ्चनपुरका प्रमुख जिल्ला अधिकारी गोपाल कुमार अधिकारीले जानकारी दिए ।
अहिले बाढीको बहाव १ लाख ५० हजार क्युसेक मापन भएको छ ।
जल तथा मौसम विज्ञान विभागको बाढी पूर्वानुमान महाशाखाले पनि सूचना जारी गर्दै डडेलधुरा र कञ्चनपुरका नदी तटीय क्षेत्र र डुबान भइरहने होचा भूभागमा रहेकाहरूलाई दिउँसो तीन बजेसम्म सतर्कता अपनाउन आग्रह गरेको छ ।
डडेलधुरा स्थित पारि–गाउँ बाढी मापन केन्द्रमा जल सतह सतर्कता तह (५.८० मी) पार गरेको भन्दै सचेत रहन अपिल गरिएको हो ।