सदन अवरोध : गठबन्धनमा छलफल गर्न प्रधानमन्त्रीले मागे एक घण्टा समय (भिडिओ)
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/08/savamuk-sirsa-baithak.jpg)
काठमाडौैं । नेकपा एमालेका सचेतक महेश बर्तौलाले एक क्विन्टल सुन तस्करी प्रकरणमा सरकार उच्चस्तरीय छानबिन समिति बनाउन तयार नभएको बताएका छन् ।
समितिको माग गर्दै एमालेले सदन अवरोध गरेपछि खुलाउनको लागि सभामुखसहित बसेको शीर्ष नेताहरूको बैठक निष्कर्षविहीन टुंगिएपछि आन्तरिक छलफलपछि पुनः साढे ३ बजे बैठक बस्ने उनले जानकारी दिए ।
बैठकमा एमालेले सदन खुलाएर छानविन समिति गठन गर्ने प्रस्ताव राख्न प्रधानमन्त्रीले नमानेको उनको भनाइ छ ।
उनले भने, ‘हामीले सदन खुलाऔं छानबिन समिति गठन गरौं भन्दा प्रधानमन्त्रीले मान्नुभएन । अहिले उहाँले गठबन्धनभित्र आन्तरिक छलफल गर्छु भनेर एक घण्टाको समय माग्नुभएको छ ।’
बर्तौलाले प्रधानमन्त्रीले सदन खुलाउन नचाहेको आरोप लगाए ।