‘बगान’ले १० दिनमा कमायो ६९ लाख

काठमाडौं । हलहरुमा प्रदर्शनरत नेपाली फिल्म ‘बगान’ले १० दिनमा ६९ लाख ७८ हजार एक सय ९१ रुपैयाँ कमाइ गरेको छ । यस चलचित्र गएको असार २९ गतेबाट देशव्यापी रुपमा प्रदर्शनमा आएको थियो ।

फिल्म निर्माण टिमले सामाजिक संजालमा १० दिनको कमाइ सार्वजनिक गर्दै लेखेको छ, ‘हामीलाई वितरकहरु रिच इन्टरटेनमेन्ट, डिसिएन र एफडीले दिएको जानकारी अनुसार ६९ लाख कलेक्सन भएको जानकारी गराउँछौं ।’ असार २९ बाट प्रदर्शनमा आएको ‘बगान’ले बक्स अफिसमा औसत ओपनिङ गरेको थियो । तर, फिल्मले बिस्तारै लय पक्रँदै गएको छ ।

फिल्ममा सरोज खनाल, करिश्मा मानन्धर, आकाश श्रेष्ठ, मिथिला शर्मा लगायत कलाकारको अभिनय रहेको छ । फिल्मको निर्देशक अभिनेता खनाल स्वयंले गरेका हुन् भने निर्माता सुरेश वाग्ले हुन् ।