स्मारिका-प्राञ्जल अभिनित अनुपको ‘एक कदम’ को म्युजिक भिडिओ बजारमा

काठमाडौं । गायिका मिलन नेवार र गायक अनुप रेग्मीको स्वर रहेको ‘एक कदम’ बोलको गीतको भिडिओ रिलिज गरिएको छ । यस गीतमा गीतकार कमला न्यौपानेको शब्द, संगीतकार येदिन गजमेरको संगीत रहेको छ ।

विगत २ दशकदेखि गीतसंगीत क्षेत्रमा सक्रिय अनुपले डेढ वर्षको अन्तरालमा सार्वजनिक भएको भिडिओमा स्मारिका ढकाल र प्राञ्जल न्यौपानेको अभिनय देख्न सकिन्छ । एक कदम एक रोमान्टिक प्रेमी जोडीको सफल कथा भएको र भिडिओले प्रेमिप्रेमिका चोखो मायाको गहिराइलाई देखाउन खोजिएको छ । गहिरो प्रेममा डुबेको यो जोडीको रोमान्टिक कथालाई भिडिओमा निर्देशक केशवराज भट्टले कलात्मक शैलीमा देखाएका छन् ।

रुपमसिंह गुरुङको एरेन्ज रहेको सार्वजनिक गीतको छायांकन मानकृष्ण महर्जनले गरेका हुन् भने भिडिओको सम्पादन बान्दे प्रसादले गरेका हुन् । भिडिओको कलरिङ राजेन्द्र मोक्तान, गीत रेकर्डिङ गुञ्जन रेकर्डिङ स्टुडियो अनामनगरमा भएको हो ।

प्रकाश न्यौपानेले निर्माण गरेको भिडिओ तरंग द वेभ क्रियशनबाट बजारमा आएको छ ।