युरोपेली भाग्यमानी, उनीहरूको तर्फबाट युक्रेनी मरिरहेका छनः जेलेन्स्की सहयोगी
नेपाल प्रेस
२०८० साउन १ गते १०:२१
काठमाडौं । युक्रेनी राष्ट्रपति भोलोदिमिर जेलेन्स्कीका सहयोगीले युरोपेली भाग्यमानी भएको बताएका छन् ।
रुस युक्रेन युद्धमा युरोपेलीको तर्फबाट युक्रेनीहरू मरिरहेको भन्दै जेलेन्स्कीका सहयोगी मिखाइल पोदोलियाकले यस्तो बताएका हुन् ।
बाल्टिक क्षेत्रको डेल्फी नामक अखबारलाई एक अन्तरवार्ता दिँदै मिखाइलले यस्तो बताएका हुन् ।
उनले अन्तरवार्तामा भनेका छन्, ‘युरोप भाग्यमानी हो कि यहाँ युक्रेन जस्तो एक देश छ जसले युरोपेली जीवनशैलीका प्रतिस्पर्धा, लोकतन्त्र र स्वतन्त्रताको पक्षमा लडिरहेको छ ।’
उनले पश्चिमा देशहरूको सहयोग कुनै दान नभएको भन्दै यस्तो तर्क गरेका छन् ।
मिखाइलले यस्तो भनेको कुरा अहिले रुसी मिडियामा प्राथमिकताका साथ प्रकाशन भएको छ ।
खास गरी रुसी सरकारी विश्व च्यानल आरटीले यसलाई प्राथमिकताका साथ प्रकाशन गरेको छ ।
नेपाल प्रेस
प्रकाशित: २०८० साउन १ गते १०:२१
प्रतिक्रिया
सम्बन्धित खवर
