एमाले नेता गौतमले भने सवै- भ्रष्टाचार छानबिनको सुरुवात एमालेले गरेको हो
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/07/received_2378996918973881.gif)
कैलाली । नेकपा एमाले स्थायी कमिटि सदस्य एवम् केन्द्रीय प्रचार तथा प्रकाशन बिभाग प्रमुख राजेन्द्र गौतमले भ्रष्टाचारको छानबिन र अनुसन्धानको सुरुवात एमालेले गरेको बताएका छन् ।
नेकपा एमाले सुदूरप्रश्चिम प्रदेश स्तरीय प्रचार योजना तर्जुमा विस्तारित बैठकलाई संम्बोधन गर्दै गौतममले एमालेले भष्ट्राचारको अनुसन्धान सुरु गरेको तर, अहिले भ्रष्टाचारीहरुबाटै एमालेमाथि औंला ठड्याउने काम भइरहेको बताए ।
उनले भने, ‘ललिता निवासको जग्गाको बिषयमा अनुसन्धान सुरु एमाले नेतृत्वको सरकारले गरेको हो, हिजो ललिता निवासको छानविनमा अवरोध गर्नेहरु नै आज हामीमाथि प्रश्न उठाउने काम गरिरहेका छन, भ्रष्टाचारीलाई संरक्षण गर्ने सरकार नै एमालेमाथि दोष देखाउने काम गरिरहेको छ। ’
उनले एमाले भ्रष्टाचार निर्मुल पार्न हिँडेको पार्टी रहेको र जनतालाई पनि त्यस बिषयमा जानकारी रहेको प्रष्ट पारे । उनले एमाले नेतृत्वमाथि हिलो छ्याप्दै पशुपतिको जलहरी काण्ड उछालेको तर सत्तापक्ष नै माफी माग्न बाध्य हुनुपरेको घटाना स्मरण गरे ।
‘भ्रष्टाचारमा मुछिएका र पञ्चायतका प्रेतहरु एमालेलाई आक्षेप लगाइरहेका छन, सत्तामा बसेर भ्रष्टाचार गर्नेहरु एमालेमाथि खनिएका छन, एमालेले राष्ट्रको हितमा गरेको कामबाट अताल्लिएकाहरु पनि हिलो छ्यापी रहेका छन, म प्रष्ट भाषामा भन्न चाहन्छु, एमालेलाई जिस्क्याउने काम नहोस, गौतमले भने ।
उनले भ्रषटचारमा संलग्न भएकाहरु आफै कानुनी रुपमा सफाइ नपाएसम्म एमालेमा सक्रिय हुन नसक्ने पनि प्रष्ट पारे ।
नेता गौतमले अहिले देशमा समाजवादी मोर्चाको नाममा प्रधानमन्त्री पुष्पकमल दाहाल प्रचण्डले सत्ता जोगाउने अश्त्र बनाएको पनि बताए । बैठकमा नेकपा एमाले केन्द्रीय कमिटीबाट खटाइएका सुदुरपश्चिममा प्रचार संयोजक कमला बोहरा र केन्द्रीय प्रचार बिभाग सचिव गगन बिष्टले कार्यपत्र प्रस्तुत गरेका थिए ।
बिभाग प्रमुख राजेन्द्र गौतमदेखि पोलिटब्यूरो सदस्य राजेन्द्र रावल, केन्द्रीय सदस्यभैरब सिंह, सन्तोष शर्मा, केन्द्रीय सल्लाहकार डिल्लीराज भट्ट, अनुशासन आयोग सदस्य पबित्रा तिमिल्सिना, प्रदेश अध्यक्ष दामोदर भण्डारी र प्रेस चौतारी नेपालका केन्द्रीय अध्यक्ष गणेश बस्नेतले आजको चुनौतीको सामना र तथ्यको आधारमा सत्य स्थापित गर्न अवलम्बन गर्नुपर्ने शैलीबारे सुझाव राखेका थिए । बैठकले सुदुरपश्चिम प्रदेशको प्रचार बिभागलाई पूर्णता दिएको छ ।
प्रेस चौतारी नेपालका केन्द्रीय सचिव तथा सुदुरपश्चिम इञ्चाजै लोग्शरी कुँवरले सञ्चालन गरेकी थिइन् । कार्यक्रममा ९ वटै जिल्लाका नेकपा एमालेका प्रचार बिभाग प्रमुख र प्रेस चौतारीका सुदुरपश्चिम अध्यक्ष कृष्ण वलीले प्रतिवेदन गरेका थिए । भने एमाले प्रदेश सचिव धर्मराज पाठकले स्वागत गरेका थिए ।
जसले भ्रस्ष्टचारीलाई कारबाही गर्ने काम सुरुवात गरेपनि claim नगर्दा राम्रो, यसले negative असर् पार्छ, उचाइ बढाउला भन्दा उल्टो घटाऊछ । जनता यस्ता claim हरुबाट alergic भाईसकेछन, यसलाई तुच्छताको प्रतिक मान्छन ।