गाउँपालिका अध्यक्षले मानसिक तनाव दिएको भन्दै १९ जना प्रधानाध्यापकले दिए सामूहिक राजीनामा

हेटौँडा । गाउँपालिका अध्यक्षले मानसिक तनाव दिएको भन्दै मकवानपुरको मनहरी गाउँपालिकास्थित विभिन्न १९ विद्यालयका प्रधानाध्यापकहरुले सामूहिक राजीनामा दिएका छन् ।

गाउँपालिका अध्यक्ष रञ्जन कालाखेतीले मानसिक दबाब दिएको भन्दै उनीहरूले सामूहिक राजीनामा दिएका हुन् ।

राजीनामा दिनेमा आधारभूत विद्यालयका १८ र माध्यमिक विद्यालयका एक जना प्रधानाध्यापक छन् ।

अध्यक्ष कालाखेतीले शिक्षाको गुणस्तर सुधार्ने निहुँमा लामो समयदेखि मानसिक दबाब दिएको उनीहरूको आरोप छ ।

उनीहरूले गाउँपालिका अध्यक्षले व्यवहार सुधार्नुपर्ने बताएका छन् ।