नेपाल भित्रिदैँ गरेको अवस्थामा साढे २९ किलो विस्फोटक पदार्थ सहित भारतीय नागरिक पक्राउ
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/07/bispot.jpg)
कैलाली । भारबाट नेपाल भित्रिदैँ गरेको विस्फोटक पदार्थ प्रहरीले बरामद गरेको छ । जिल्लाको कैलारी गाउँपालिका वडा नम्बर ३ खुनपुरबाट प्रहरी टोलीले २९ किलो ५०० ग्राम विस्फोटक पदार्थ बरामद गरेको हो ।
सशस्त्र प्रहरीले भारतीय नागरिकसहित विस्फोटक पदार्थ फेला पारेपछि नेपाल प्रहरीलाई जानकारी गराएको थियो । नेपाल प्रहरी र सशस्त्र प्रहरीले विस्फोटक पदार्थसहित लख्मिपुर खिरी चन्दन चौकी बस्ने ४२ वर्षका शिव गुप्तालाई पक्राउ गरेको हो ।
भरुवा बन्दुकमा प्रयोग गरिने विस्फोटक पदार्थ सहित पक्राउ परेका गुप्ता विरुद्ध थप अनुसन्धान भइरहेको जिल्ला प्रहरी कार्यालय कैलालीका प्रवक्ता कुलदिप चन्दले जानकारी दिए ।