सदनलाई अर्थमन्त्रीको प्रष्टीकरण- साना किसानको उत्पादन बजारमा लैजाँदा भ्याट लाग्दैन
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/06/Prakashsharan-Mahat0.jpg)
काठमाडौं । अर्थमन्त्री डा. प्रकाशशरण महतले सरकारले स्वदेशभित्रको उत्पादनकर्ता साना किसानलाई प्रोत्साहन गर्दै विदेशबाट तरकारी र फलफूल आयात कम गरिने बताएका छन् ।
प्रतिनिधिसभाको बैठकमा आर्थिक विधेयक, २०८० माथिको छलफलमा उठेका प्रश्नको जवाफ दिँदै उनले मुलुकका किसानले उत्पादनको उचित मूल्य नपाएको र बिचौलियाको चलखेल भएको सम्बन्धमा सरकार गम्भीर रहेको बताए ।
उनले भने, ‘साना किसानको उत्पादन बजारमा लैजाँदा भ्याट लाग्दैन । गरिब तथा साना किसानका उत्पादनलाई प्रोत्साहन गर्न तरकारी र फलफूलमा आयात कम गर्दै जाने तथा स्वदेशी उत्पादनलाई प्रश्रय दिने नीति लिएको छ ।’
विभिन्न नाममा विदेश जाने नेपाली पर्यटकलाई करको प्रबन्ध गरी स्वदेशभित्रको पर्यटन वृद्धि हुने वातावरण सिर्जना गर्ने सोच बजेटमा राखिएको अर्थमन्त्री महतले बताए ।
विद्युतीय सवारीसाधनमा कर वृद्धि गरिएपछि त्यस्ता साधनमा व्यापारीले लिने लाभ कटाइ मूल्य समायोजन हुने उनको भनाइ छ ।