सचिव भट्टराईमाथि भएको अभद्र व्यवहारप्रति एमालेको निन्दा
नेपाल प्रेस
२०८० असार १४ गते २०:२८
काठमाडौं । नेकपा एमालेले सचिव योगेश भट्टराईमाथि इलाममा भएको अभद्र व्यवहारप्रति गम्भीर ध्यानाकर्षण भएको जनाएको छ ।
एमाले प्रचार विभागका सचिव गगन विष्टले एक विज्ञप्ति जारी गर्दै जननेता मदन भण्डारीको ७२ औं जन्म जयन्तीका अवसरमा आज आयोजित कार्यक्रममा सहभागीका लागि इलामा पुगेका सचिव भट्टराईमाथि उच्छृङ्खल व्यक्तिहरुको समूहले अभद्र व्यवहारप्रति पार्टीले निन्दा र भर्त्सना गर्ने उल्लेख गरेका छन् ।
कोशी प्रदेशमा संविधान र कानूनी व्यवस्थाअनुसार प्रदेश सभाको दुई तिहाइ बहुमतले कोशी नामकरण गरेको उल्लेख गर्दै नाममा असहमति राख्नेले केही दिनदेखि नै एमालेका नेताहरुलाई आक्रमणको प्रयास गरेको विज्ञप्तिमा भनिएको छ ।
‘प्रदेश सभाबाट गरिएको कोशी प्रदेश नामकरणको निर्णय हिंसात्मक गतिविधिबाट परिवर्तन हुनसक्दैन भन्नेतर्फ उक्त समूहलाई हाम्रो पार्टी गम्भीर ध्यानाकर्षण गराउन चाहन्छ । साथै, हिंसात्मक गतिविधि नियन्त्रणमा देखिएको सरकारको उदासिनताप्रति गम्भीर आपत्ति प्रकट गर्दछ’, विज्ञप्तिमा भनिएको छ ।
नेपाल प्रेस
प्रकाशित: २०८० असार १४ गते २०:२८
प्रतिक्रिया
4 thoughts on “सचिव भट्टराईमाथि भएको अभद्र व्यवहारप्रति एमालेको निन्दा”
Leave a Reply
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
संसदमा योगेश भट्टराईले पहिचानवादीमाथि लगाएको आरोपप्रति के विचार छ ? जनताका लागि जनताका विरुद्धमा निराधार आरोप लगाउने सांसद र तिनको पक्षपोषणको प्रति हाम्रो त्यतिकै खेद छ । योगेशवाले पार्टी पश्चिम बङगालको माक्सादीको हालतमा पुग्ने दिन टाढा छैन ।
संसदमा योगेश भट्टराईले पहिचानवादीमाथि लगाएको आरोपप्रति के विचार छ ? एमाले हत्या भएका लाजेहाङका बारेमा के विचार छ ? जनताका लागि जनताका विरुद्धमा निराधार आरोप लगाउने सांसद र तिनको पक्षपोषकप्रति जनताको त्यतिकै खेद छ । योगेश मार्काहरु र तिनका पार्टी पश्चिम बङगालको माक्सादीको हालतमा पुग्ने दिन टाढा छैन ।
यस्तो गुण्डागर्दीलाई किन डण्डा लगाउँदैन सरकार ? गृहमन्त्रीलाई सुशासनको कुरा गर्न लाज लाग्नुपर्ने हो ।
सरकारको निर्देशनमा गठबन्धन ले नेकपा एमाले र उसका नेता तथा कार्याकर्तालाई भौतिक आक्रमण गरिरहेका छन अब जस्तालाई तस्तै गर्नुपर्यो एमालेले पनि ।