सदन चलाउन फेरि आए कोशीका सभामुख गौतम
विराटनगर । कोशी प्रदेशसभाको बैठक पुन: सभामुख बाबुराम गौतमले सञ्चालन गर्न थालेका छन् । मुख्यमन्त्री कार्कीले विश्वासको मत मागेर दलका नेताहरूले धारणा राख्न सुरू गरेपछि गौतम उपसभामुख सृजना दनुवारलाई बैठक सञ्चालन गर्न छाडेर एक्कासि निस्किएका थिए ।
नेकपा एस संसदीय दलका नेता राजेन्द्र राईले बोलिसक्ने वित्तिकै संसद सचिवालयका सचिव गोपालप्रसाद पराजुलीले सभामुखसँग कानेखुसी गरेपछि गौतमले हाँस्दै सभा सञ्चालनका लागि उपसभामुखलाई आग्रह गरेका थिए ।
बैठकमा सभामुखसहित ९३ जना नै प्रदेश सभा सदस्य सहभागी छन् ।
बैठकमा सभामुखसहित ९३ जना नै सांसद उपस्थित छन् ।
एमाले र राप्रपासँग ४६ सांसद छन् । विपक्षी गठबन्धनसँग पनि सभामुखबाहेक ४६ जना नै सांसद छन् । जसपाले तटस्थ बस्ने निर्णय गरिसकेको छ ।