२५ ग्राम ब्राउन सुगरसहित हेटौँडाबाट तीनजना पक्राउ
![](https://www.nepalpress.com/wp-content/uploads/2020/11/nepalpress-logo-n.png)
२०८० असार १२ गते १५:५८
![](https://www.nepalpress.com/wp-content/uploads/2023/06/Brown-Sugar-Pakrau-Hetauda.jpg)
हेटौँडा । मकवानपुर प्रहरीले लागू औषध खैरो हिरोईन (ब्राउन सुगर) सहित तीन जनालाई पक्राउ गरेको छ ।
प्रहरीले विशेष सूचनाको आधारमा हेटौँडा उपमहानगरपालिका वडा नंबर ८ बाट २५ ग्राम ब्राउन सुगर सहित ३ जना पक्राउ गरेको हो ।
हेटौँडा ८ मा रहेको नमुना टोलमा खैरो हिरोईन विक्रि भैरहेको सूचना प्राप्त भएपछि सर्च अभियानको क्रममा खैरो हिरोइन सहित हेटौँडा ८ का ३१ वर्षीय विशाल राउत, १९ वर्षका सुमित वाईवा र हेटौँडा १० का विमल मोक्तानलाई पक्राउ गरिएको जिल्ला प्रहरी कार्यालय मकवानपुरले जनाएको छ ।
पक्राउ गरिएकाहरुको थप अनुसन्धान जारी रहेको प्रहरीले बताएको छ ।
प्रतिक्रिया